NUTTEA (海光街) (已結業)

我本身都係半個奶茶控，都試勻唔同既台式奶茶舖，但好多時都嫌啲飲品太甜(即使叫咗半甜或者少甜)，而且又擔心奶精對身體唔好。最近就有同事推介依間堅果奶茶，話又健康又環保，仲適合啲素食人仕咁話喎，所以今日即管試一試。 同事推介奶蓋茶，不過menu花多眼亂。所以就跟Top 3人氣排行，揀咗伯爵朱古力堅果奶蓋茶，而朋友仔就揀左粉紅莓堅果奶蓋茶。 首先試左伯爵朱古力堅果奶蓋茶，跟住上面既指示，第一步，用膠鏟直接食奶蓋，朱古力味好濃郁，唔會太甜或太苦，cream既口感又厚又醇，食落一啲都唔肥膩。第二步，連埋啲奶蓋飲，本身都好中意伯爵茶獨特既茶香，飲落茶唔澀，而且連奶蓋一齊飲都唔會被奶蓋既甜味搶走哂茶香，依個配搭真係平衡得啱啱好。最後就將奶蓋同茶完全混合，個人就最中意依個味道，一次過飲到奶蓋茶既甜、醇、滑，只可惜第一二步已經忍唔到口飲咗大部份茶同奶蓋。 而粉紅莓好堅果奶蓋茶既感覺就非常清新，啱哂夏天飲，消消暑。味道酸酸甜甜，好香雜梅既味，粉紅色好有少女味道。 兩杯飲品分別加咗藜麥同燕麥。食落唔算太有驚喜，但加咗感覺上健康啲。下次可能會試下加黑糖凍。 總結: 堅果奶健康得黎又唔會失去牛奶嗰種