九井壽司 (已結業)

同朋友喺MegaBox睇開傢俬，睇到好攰攰地。就搵咗一間門面好大嘅日本餐廳。咁就入去試吓睇吓佢啲嘢食好唔好。同朋友嗌咗個三文魚籽海膽迷你丼。雖然叫做迷你，但係份量都唔少㗎。三文魚籽唔會太腥，仲好鮮味添。有時食海膽最怕佢唔新鮮，不過呢間餐廳啲海膽就非常新鮮。所以這個都幾值得推介。同朋友又專登試吓個熟食。睇吓間餐廳係咪除咗生嘅嘢食好食之外，啲熟食嘅質素係點樣。鹿兒島醬燒豬軟骨烏冬嘅烏冬質地都唔錯，幾有咬口。個豬軟骨就住得非常之冧，好好食。配埋個特別嘅鹿兒島醬就將成個烏冬嘅味道提升。壽司選擇都好多，我就淨係叫咗平時最鍾意嘅幾款試吓佢依間同出面嘅質素有冇分別。總括嚟講，佢出菜嘅速度都好快，唔駛等好耐，壽司已經來齊了。而家好過迴轉壽司好多，確保佢嘅質素係最新鮮同埋即刻出。叫咗幾款壽司，我最鍾意都係食火炙左口魚裙邊，因為佢最香魚油味。至於赤貝同赤海老都食得出佢係新鮮，三文魚就正正常常啦😂我同朋友真係好好彩，突然之間間餐廳會進行抽獎。我哋就中咗一支益力多。