逸 壽司 (已結業)

呢間小店主打日式料理，除咗有omakase之外仲有自選壽司同套餐食～ 整體價錢夠親民而且款式眾多，簡簡單單過嚟食過lunch/dinner過吓癮都幾開心🥳精選壽司烏冬餐包括七款壽司配稻庭烏冬，午市仲配埋新鮮沙律同足料嘅麵豉湯添，真心抵食😎 另外follow埋IG仲有特色小食👉👈 芥辣八爪魚超級爽口，值得一讚嘅係wasabi味唔太重，完全無蓋過八爪魚嘅鮮甜味，唔錯唔錯🐙壽司拼盤有中吞拿魚腩、春子鯛、銀雪魚、金線鯛、赤蝦、帶子同池魚🐟～ 個人最推吞拿魚腩，肥美甘香，魚油味重，超級滿足🫣 帶子都唔錯，肉質豐厚，入口鮮甜美味💞 烏冬軟硬度適中，帶點煙靭感，搭配粟米、海帶、鳴門卷同濃郁嘅醬油湯底都幾match！