九井壽司 (已結業)

好耐冇去過MegaBox啦！前兩日約咗朋友去九龍灣行街，我哋就順便去埋MegaBox，咁啱大家都想食日本嘢，所以就去咗九井壽司食晚飯！🍣火炙三文魚腩壽司三文魚腩入口即溶，經過火炙之後更加惹味！🍣BB三文魚小卷小卷有6件，每一件都卷得好紮實，裏面嘅三文魚都唔算細件～🍣赤貝壽司赤貝幾新鮮，壽司飯細細件，好迷你🍣龍蝦沙律卷龍蝦沙律卷有三舊，每一舊都大大件，沙律青瓜同壽司飯好夾，啱晒啲唔鍾意食生野嘅朋友🦀酥脆軟殼蟹手卷我超鍾意食軟殼蟹！今次呢個軟殼蟹手卷有好大舊軟殼蟹，而且真係炸得好酥脆，非常滿意！🍤脆脆天婦羅炸蝦天婦羅炸蝦好大條，同軟殼蟹一樣炸得好酥脆，咬落去淡淡蝦肉～🐔燒芝士餃子雞翼燒雞翼外表好吸引，之前聽人講過話幾好味，所以就叫咗一碟嚟食。雞翼食落有少少芝士味，亦都幾juicy，不錯！🧀日式芝士年糕年糕口感Q彈，食落甜甜地鹹鹹地，雖然係芝士，但都唔會話好濟🍜九州御前牛肩胛烏冬我同朋友都鍾意食烏冬，所以我哋嗌左一碗share。好彩我哋淨係嗌左一碗，因為有好多烏冬，如果一人嗌一碗一定食唔晒！豬骨湯好香濃，牛肩胛有好多舊，十分足料！