影片
更多
2023-02-20
161 瀏覽
講左超耐終於食到sukiyaki mori，事關佢真係好難book ，依家除左荷李活道之外仲有歌賦街分店，多左位但係以然咁難book🥲佢好在有師傅係你面前即場煮，唔會好似日山咁煮完得兩塊牛肉送上黎🌚 今次同友人要左$580 嘅sukiyaki lunch set，每人有4大塊唔同部位嘅牛肉，仲有日本蔬菜，非常滿足，食到好飽🙈前菜方面有小菠菜同埋舞茸菇，醬汁酸酸地非常開胃，上面仲有菊花同埋紅葉點綴🍁第二道菜係海苔茶碗蒸，面頭鋪滿海苔🤣 蒸蛋好滑😚 係食緊前菜之際，師傅就攞左我地嘅和牛出黎😍 牛肉嘅油脂分佈真係好靚😍 佢分別有4個部位，但係師傅講野真係好細聲… 我完全聽唔到佢講咩，見佢嘅態度一般我又費事追問🙃 牛肉煮嘅時候落左砂糖，所以味道會甜甜地有d 焦糖嘅味道🥰 牛肉吸曬壽喜燒醬汁嘅味道真係好正，點埋蛋漿黎食可以中和一下油膩感👌🏻 蔬菜方面都有好多種類，師傅煮每塊牛肉中間都會上蔬菜，又係可以解下膩，個人最鍾意佢嘅麵筋同埋洋蔥😍 麵筋有d 似食緊年糕，口感煙韌得黎又吸曬d 醬汁，我本身完全唔好洋蔥，但係黎個真係出奇地好食！完全食唔到洋蔥本身嘅味道🤣佢煮到好軟熟，成個洋蔥都有焦糖嘅味道，真
前菜方面有小菠菜同埋舞茸菇，醬汁酸酸地非常開胃，上面仲有菊花同埋紅葉點綴🍁第二道菜係海苔茶碗蒸，面頭鋪滿海苔🤣 蒸蛋好滑😚
係食緊前菜之際，師傅就攞左我地嘅和牛出黎😍 牛肉嘅油脂分佈真係好靚😍 佢分別有4個部位，但係師傅講野真係好細聲… 我完全聽唔到佢講咩，見佢嘅態度一般我又費事追問🙃
牛肉煮嘅時候落左砂糖，所以味道會甜甜地有d 焦糖嘅味道🥰
牛肉吸曬壽喜燒醬汁嘅味道真係好正，點埋蛋漿黎食可以中和一下油膩感👌🏻
蔬菜方面都有好多種類，師傅煮每塊牛肉中間都會上蔬菜，又係可以解下膩，個人最鍾意佢嘅麵筋同埋洋蔥😍 麵筋有d 似食緊年糕，口感煙韌得黎又吸曬d 醬汁，我本身完全唔好洋蔥，但係黎個真係出奇地好食！完全食唔到洋蔥本身嘅味道🤣佢煮到好軟熟，成個洋蔥都有焦糖嘅味道，真係超好食🥰
最後仲有牛肉滑蛋炒飯，味道唔錯，不過食到最後已經好飽，唔覺得佢特別好食
最後甜品係雪糕，有兩款口味揀，芒果同抹茶作為抹茶控梗係食抹茶啦🤣
整體黎講，食物質素係唔錯，我都好欣賞佢係一個師傅serve 一台客，不過個人覺得sukiyaki mori 嘅服務有待改善，師傅態度一般，雖然話一個師傅serve 一台客，但係個人覺得同客人溝通唔係好夠🧐可能我用左omakase 嘅standard 去比較但係我嘅expectation係高d🤔
張貼
