スーパー丼 (大埔超級城) (已結業)

放工勁肚餓，行過超級城，見到魚生飯好吸引，不過又冇得堂食，所以決定外賣，買返屋企食！有勁多款丼飯揀，有生嘅亦都有熟嘅，仲有兒童餐添，夠晒合家歡！落order好快，過咗一陣就有得拎啦！叫咗兩個丼飯配套餐: 超級海鮮丼同火炙海鮮丼+麵豉湯同埋中華沙律。返屋企路途遙遠，返到去見到呢兩碗丼飯仲係好靚仔！😊睇到嗰menu，就比呢個超級海鮮丼吸引咗！呢碗超級海鮮丼分量十足！好多款魚生，啱晒選擇困難症嘅我！呢碗丼有三文魚，甜蝦，三文魚子，帶子，吞拿魚蓉，仲有吞拿魚！每款魚生都好新鮮，魚類魚生肥美，厚切，新鮮，冇筋。嗰壽司飯軟熟，帶有酸甜滋味，相當開胃。火炙海鮮丼火焰海鮮丼有三文魚，吞拿魚，左口魚背，每款魚類有二片，魚油剛好，有一股油脂香，魚生都做到外熟內生的口感。總括嚟講，cp值高。下次可以堂食試下。餐廳都幾大有兩邊！