Running Pig

營業中

休息中

今日自己一個孤獨食，唔想出去餐廳食，買個外賣食下先。俾我搵到呢間韓國人煮理嘅韓式外賣，自取仲有八折。個外賣袋袋好得意，外賣盒亦都好穩陣，分開一格格，返到屋企啲嘢食都冇變形，炒年糕仲有保溫袋，Keep住暖笠笠。韓式烤五花腩便當，五花腩肥瘦勻稱，同洋蔥一齊煎，好香口，配埋韓式辣醬食，拌白飯一流！配菜都唔錯，泡菜夠辣，酸蘿蔔又爽口，韭菜蘿蔔絲微辣夠開胃。辣炒湯年糕，食得辣先好食，辣度十足，我好鍾意，年糕煙韌得來唔黏牙，第一次食魚糕，個口感好得意，好似食長條型嘅魚腐。跟餐仲有各色韓式飲品，呢款梨汁有果肉㗎！