Table

營業中

休息中

呢間西餐廳成日見到好多人排隊，搞到我一直都好想試吓，見到Menu有好多選擇，啱晒唔同人嘅口味。招牌酒香脆燒雞🍗見到係招牌菜式，就即刻揀咗呢款，外皮燒到非常脆身，一切開就有好多雞汁湧出嚟，雞肉無論係雞髀定雞胸都超級滑溜，一路食仲有陣陣嘅酒香滲出嚟，果然係招牌菜。炭燒頂級封門牛柳🥩另一款主菜揀咗份量意想不到咁多嘅封門柳，不得不稱讚餐廳真係好闊綽，而且質素超高，嗌咗五成熟，肉質啱啱好，非常濃郁嘅牛香味，呢款都好值得成為餐廳嘅招牌菜！白桃藍蝶花梳打🍹一向都好鍾意白桃口味嘅飲品，而呢度驚喜位係唔會好似其他白桃飲品咁甜，另外就可以自己添加蝶豆花味道嘅份量，見住杯飲品漸漸變色，真係啱晒打卡。玫瑰阿薩姆奶蓋茶🧋呢杯飲品絕對有驚喜，因為奶蓋係用咗燕麥奶整成，喺出邊甚少見到呢個口味嘅奶蓋，所以好香植物奶嘅味道，玫瑰嘅花香亦都好濃郁，同阿薩姆奶茶都好夾。榛子朱古力蛋糕🍰除咗升級前菜，亦都可以加錢升級甜品，是日精選蛋糕有幾款可以選擇，而呢款蛋糕鋪滿一粒粒嘅榛子，配合埋鬆軟嘅蛋糕，口感好豐富。心太軟🌰心太軟一上枱熱辣辣，一切開，中間嘅朱古力將就好澎湃咁流晒出嚟，另外仲可以選擇朱古力或者雲呢拿雪糕，呢份甜品賣相一