原居民 (已結業)

今日去開以前間大學，由於寒風處處，經過附近走入一間餐廳，餐廳裡面幾有格調，燈光微暗，餐桌白布上擺滿刀叉，整體有點像歐陸式的餐廳。隨意叫了一份晚餐，首先來餐湯和餐包，餐湯是蕃茄南瓜湯，橙紅色的餐湯，裡面還有南瓜茸味道帶甜，舌背後還有點蕃茄酸，寒冷天氣有這溫暖熱湯尤其暖胃。餐包不是普通軟包，係蒜蓉焗包切成一格格，入口爽脆，比薯片仲要脆，蒜蓉味唔太濃，浸落餐湯口感即變成鬆軟。頭盤係鵝肝醬多士，鍾意幾多自己可以搽幾多，軟得像牛油的鵝肝口感軟滑，與脆多士的口感形成強烈對比，鵝肝醬味道香滑，入口即溶，美味。主菜係法國粟飼燒春雞，係成隻咁上，細心廚師將春雞切開四份。春雞外皮燒到金黃脆，雞肉帶少量脂肪，雞油令雞肉吃起來更香，肉質嫩滑尤其兩隻雞脾。餐廳還注重營養分佈，附上菠菜炒雜菇，令吃完肉可以吃份蔬菜。另外仲有原隻焗薯，焗薯香噴噴，薯肉軟淋淋，令晚餐更飽滿。