高高酒家

營業中

休息中

早幾日我哋一家人出咗去深水埗行街，晚餐諗緊食咩嘅時候，行到高高酒家門口見到餐牌📖真係超多選擇，就入咗去試吓😆環境好地道有啲大排檔嘅感覺，可以帶小朋友一齊體驗吓👧🏻古法生炆龍躉翅🐟呢道菜一上枱就聽到渣渣聲，熱辣辣😍侍應會幫手將龍躉翅剪開，魚肉鮮美而且唔鞋，仲有滿滿嘅膠原蛋白，口感好豐富🥰真係好適合小朋友食👧🏻而且加入枝竹火腩一齊炆，送飯一流呀😆呢個天氣食完真係暖笠笠黃金單骨雞翼🐔雞翼炸到脆卜卜咬開仲有少少肉汁，再配埋鹹蛋黃一齊真係勁邪惡😏而且份量亦都好多，我哋食到尾聲啲雞翼都仲脆㗎花甲浸菜苗🥬食飯又點少得菜呢🥬呢個煮法雖然簡單但係已經好鮮味💕花甲冇乜沙，而菜亦都吸晒湯好甜，再加入金菇同芹菜，口感更加豐富🫶🏻而且可以邊食邊飲湯☺️沙拉芝士蝦球🦐賣相好吸引，個個都圓轆轆仲炸到金黃色😍蝦球釀入芝士炸到脆卜卜，相信大人小朋友都好愛😆蝦球爽口彈牙，雖然入邊有芝士但唔會蓋過蝦嘅鮮味，食落唔會覺得好油膩，有驚喜呀我哋一家人真係食到超滿足，佢哋嘅份量偏大，好適合一家人又或者同朋友一齊去聚餐😍真係好推介大家去試吓‼️