陪著你走甜品 (已結業)

因為疫情關係晚市只可以外賣，都好耐冇試過出街食糖水喇，今日食完晚飯之後你先太飽，就決定去食下糖水先，順便支持下餐飲業，今次專登嚟到天后一間我平時好鍾意食嘅糖水舖：陪著你走甜品😍😍想黎睇睇餐牌今次叫咗個宇治抹茶焦糖法式燉蛋（$35），雖然比較細份，但其實質素好高，算係我食過入邊其中最好食嘅，宇治抹茶味好香好濃，燉蛋好滑，個焦糖面又甜到啱啱好，100分❗️❗️另外仲叫咗個黑白芋番圓 （$45）黑白其實就係講緊佢入邊有涼粉同豆腐花，豆腐花夠滑，涼粉夠彈牙，簡直係絕配，芋圓同番圓都好煙un，好食天后區有好多唔同嘅甜品舖，陪著你走係其中一間唔可以錯過既甜品店👍🏻