炎天丼 (已結業)

平時啤先生都好鐘意食日本野，但下下食生冷野對身體又好似唔係咁好，所以都想食下啲熱辣辣嘅香口野食😜咁岩同屋企人黎開旺角，有人就推介呢間天婦羅丼飯，一於就試試佢!😎我地係平日夜晚七點半到去，去到雖然間鋪已經坐滿人，但好彩無乜人排隊，我地等左五至十分鐘就已經有位😆坐低揭下menu，就已經俾佢個海鮮天丼吸引左，因為賣相真係好吸引！等左大約十分鐘，就上到啦😆從相中所見，滿滿嘅天婦羅堆滿左成個碗，包括有魷魚、大蝦、蟹柳、蓮藕、野菜同埋蛋，而且天婦羅炸得烚到好處，表層十分香脆而且炸粉只係薄薄一層，唔會過厚，而入面食材仲保持到鮮度同多汁，再淋上餐廳嘅天婦羅醬汁十分配搭！而米飯方面已經有適當芝麻同醬汁調味，最後仲可以要求餐廳加飯素落去，成碗飯不知不覺間就被ko! 好味道☺️雖然今次只係試左海鮮天丼，但都試得出餐廳食物質素有水準，下次再黎可以試埋其他丼飯，烏冬同小食，期待😌