Ikigai Concepts (已結業)

每次去donki 都會去如心廣場2期行下，每次都會望到一間好吸睛嘅日本餐廳，早兩日經開終於忍唔住要入去試下。一入去其實都嚇左一嚇，職員有禮之餘，原來裡面空間好大，重分左幾個區域有清酒Bar區、Omakase 區及 天婦羅鐵板燒區。我地揀左兩人晚市套餐，個份量比我想像中還要多，先來水牛芝士沙律，醬汁主要以柚子汁為主，入口酸酸地，芝士味道唔會太濃和太膩，非常開胃。每人一份三文魚籽鮑魚天使麵，天使麵捲得相當整齊，口感軟硬適中，配上忌廉汁相當creamy,三文魚籽鮮甜一D腥味都無,鮑魚爽口彈。壽司5貫有左口裙邊，赤身，甘海老，真鯛及深海池魚，賣相吸引，材料新鮮，最吸引到我當然係依兩件，甘海老肉質飽滿彈牙，左口裙邊，入口有濃郁魚油香。清酒煮蜆蜆肉隻隻新鮮無沙，再飲喝一啖湯，清甜到不得了。再來3款串燒，有免冶雞肉棒、紫蘇牛油蝦和燒冬菇，雞肉棒真係無得彈，入口外脆內軟，再沾埋雞蛋，口感更嫰滑。肉眼稻庭烏冬牛肉用上肉眼部位，肉味香濃，口感一D都唔韌，食埋烏冬，飽足感滿分。餐後甜品，998套餐真係值回票價。