皇茶 (已結業)

晚上十點幾，同朋友食完飯忽然口渴，發現哩間台飲店仲開緊，就一於入去解解渴😛。一早聽聞呢度嘅芝士奶蓋好出色，咁一於就叫佢嘅皇牌奶蓋喇。宇治抹茶奶蓋 $32宇治抹茶奶味🥛好重，但同時飲到抹茶味嘅香濃。加埋鹹鹹地嘅芝士奶蓋🧀，我覺得幾特別。芝士奶蓋厚厚一層，芝士味同鹹味都好適中，質地比忌廉實淨，但又唔會太膩🤤。芝士奶蓋金鳳茶王 $32茶味好出眾，如果嫌飲茶太單調，加埋芝士奶蓋就會令茶味更加昇華。無論分開飲定係撈埋一齊飲都別具特色。茶飲固然好飲，加埋香港字眼嘅裝飾就更加吸引，梗係要支持下同路人！