新記雞粥 (鴻禧大廈)

營業中

休息中

今晚忽然想食粥，另一半帶咗我嚟食呢間出名食雞粥嘅餐廳。除咗有粥食，仲有中式小菜同小食選擇，一定過滿足幾個願望。餐廳主打雞粥，我哋點咗一個雞粥（$56），再加咗豬膶（$6）。雞粥粥底煮得好綿，雞肉鮮嫩，相當入味。豬膶入口好爽滑，配埋雞肉，令到個粥更加好味。另一個推介一定係魷魚鬚（$58），炸得香脆，份量勁多，淨係睇個賣相已經覺得好吸引。其他小食包埋蛋黃鹹肉糭（$37）、炸蘿蔔糕（$35）、炸兩（$23）同蛋白杏仁茶（$26）味道亦唔錯。兩杯飲品- 七喜龍眼冰同熱檸蜜，正常發揮。叫咗咁多野食先二百幾蚊，相當抵食呀。誠意推介佢俾鍾意嘅粥嘅朋友仔呀。