煲底海鮮火鍋料理 (已結業)

呢間火鍋店係近期食過最高質嘅火鍋店！呢間餐廳鍋料選擇多，而且樣樣都超新鮮，真係要介紹比大家去試下啊～～鍋底椰子花甲蟹鍋 $229上鍋底之後，老闆娘建議我地唔好即刻放鍋料落去煮，可以試下就咁飲下湯先。呢個鍋底真係真材實料，飲落去超香椰子以及豬骨味，海鮮嘅鮮甜亦都煮到出嚟，十分出色！小食冰火魷魚 $109冰火魷魚係呢間火鍋店其中一款好受歡迎嘅小食，於是我地叫嚟試試。魷魚質感十分爽脆，大大塊。醬汁係餐廳自己整嘅辣椒油，好香好好味！乾杯！蠔 $128我地叫咗份蠔，一共有六隻。生蠔肥美鮮甜，配上醬汁更顯鮮味，連平時唔太食蠔嘅我都食咗3隻！花樣油條 $79打邊爐配油炸鬼其實好正，自從之前試過一次，之後每次打邊爐都要叫份嚟食。今次餐廳嘅油炸鬼可以即食或者放落湯煮，兩種煮法都好好味！鍋料 潮牛 $319我地叫咗一份細份嘅牛肉，但其實佢份量都唔細！牛肉來自係本地牛，我地食嘅係牛爪邊，即係肋骨附近嘅位置。牛爪邊重牛肉味，而且有咬口，色澤鮮紅漂亮。百花釀魚肚 $139平時打邊爐比較少見呢道菜，今次第一次試估唔到幾好食！整體食落爽脆juicy！爽滑海蝦滑 $99呢到嘅蝦滑超新鮮，食落就知同平時嘅平價貨唔一樣。