影片
更多
2022-08-16
71 瀏覽
_____好味指數：🌟🌟🌟🌟🌟抵食指數：🤑🤑🤑🤑放假老闆帶我食好嘢🤩呢間可以話係香港omakase嘅始祖👨🏻🍳係元朗第一間廚師發辦！而好多好出名嘅師傅都係喺呢間餐廳出身，咁經得起時間考驗可想而知實力有幾雄厚🔥今日訂咗食特上omakase，有刺身4品、料理1品、壽司8貫同海膽丼，聽落都期待🤤✅前菜水雲酸爽又順滑食完好開胃🌿而黑松露蒸蛋好幼滑🥚而黑松露香得嚟又唔會搶過蛋味，平衡得好好✅刺身赤貝切到好似朵花咁綻放開嚟好別致🌺 仙鳳趾生蠔夠爽滑，表面仲加上金萡點綴✨深海池魚用上柚子胡椒調味，仲有背同腩2個部位，夠晒層次感🐟松葉蟹好鮮甜，而且仲可以配旁邊嘅紫蘇花同食用菊花一齊食🦀✅ 汁煮吞拿魚餃魚肉好軟嫩，將筷子插中間就可以將魚肉分離🐟亦好入味，帶出魚肉鮮味同時增添一種甜味✅壽司（一）根據壽司拎法我將佢分成兩部分🤣四件壽司分別係白海膽墨魚、伊佐木雞魚、腦天同中拖羅🍣比較深印象係雞魚同腦天🌟雞魚用湯霜法令魚皮變軟，而且配料例如萬能葱係放係魚肉內側，令第一口感係食到魚嘅鮮味，然後配料嘅味道再慢慢散發出嚟；而腦天係吞拿魚天靈蓋，十分罕有，師傅會用火槍燒融啲筋，所以入口即化，充滿魚香✅壽司（二）要拎上
_____
好味指數：🌟🌟🌟🌟🌟
抵食指數：🤑🤑🤑🤑
放假老闆帶我食好嘢🤩呢間可以話係香港omakase嘅始祖👨🏻🍳係元朗第一間廚師發辦！而好多好出名嘅師傅都係喺呢間餐廳出身，咁經得起時間考驗可想而知實力有幾雄厚🔥
今日訂咗食特上omakase，有刺身4品、料理1品、壽司8貫同海膽丼，聽落都期待🤤
✅前菜
水雲酸爽又順滑食完好開胃🌿而黑松露蒸蛋好幼滑🥚而黑松露香得嚟又唔會搶過蛋味，平衡得好好
✅刺身
赤貝切到好似朵花咁綻放開嚟好別致🌺 仙鳳趾生蠔夠爽滑，表面仲加上金萡點綴✨深海池魚用上柚子胡椒調味，仲有背同腩2個部位，夠晒層次感🐟松葉蟹好鮮甜，而且仲可以配旁邊嘅紫蘇花同食用菊花一齊食🦀
✅ 汁煮吞拿魚餃
魚肉好軟嫩，將筷子插中間就可以將魚肉分離🐟亦好入味，帶出魚肉鮮味同時增添一種甜味
✅壽司（一）
根據壽司拎法我將佢分成兩部分🤣四件壽司分別係白海膽墨魚、伊佐木雞魚、腦天同中拖羅🍣
比較深印象係雞魚同腦天🌟雞魚用湯霜法令魚皮變軟，而且配料例如萬能葱係放係魚肉內側，令第一口感係食到魚嘅鮮味，然後配料嘅味道再慢慢散發出嚟；而腦天係吞拿魚天靈蓋，十分罕有，師傅會用火槍燒融啲筋，所以入口即化，充滿魚香
✅壽司（二）
要拎上手就知幾有分量🤣分別係鰈魚裙邊、甜蝦、蛇腹拖羅同醬油漬帶子磯邊卷🍣
帶子係師傅由我哋入餐廳就開始做醬油漬，有充足時間俾佢入味得嚟又唔會太咸，火炙後軟熟又帶有醬油嘅甜味；蛇腹拖羅係魚鮮味最飽滿，油脂味最香濃嘅部位，見到佢粉嫩嘅色澤已經好有食慾，加入葱漬同芝麻汁後香氣撲鼻同時減低油膩感，好滿足～
✅海膽丼
師傅舀海膽同魚子起嚟真係好大方唔留手🤣個飯係完全比海膽同魚籽覆蓋住🤤而且坐喺上面灑上金箔同紫蘇花，賣相吸引又氣派✨
✅柚子檸檬果凍
特別想提吓呢款甜品，呢兩款水果整成嘅甜品酸爽又清新，而且上面再灑上用柑子皮磨成嘅粉，帶淡淡苦澀味但好好refresh味蕾同平衡油膩感，揀得好好👍🏻
張貼
