影片
更多
2017-11-20
456 瀏覽
最近想經openrice book枱所以搵返個account，一睇原來對上一次寫食評已經係2008年！哈哈！平時有咩美食分享都係post相上社交平台就算，今次呢間新餐廳令我好有衝動要寫返個食評讚一下！我同朋友兩個都好中意食日本野，知道登龍街都多日本餐廳就去睇下有無心水，一去到永光中心見到呢間居酒屋個名咁特別就決定試一試。入到去地方唔大但座位闊落，燈光環境都幾有氣氛，侍應都好熱情。我同朋友諗住慢慢食下野傾下計，於是分開幾次叫，逐樣慢慢試。首先叫沙律同小食，叫左溫室蕃茄沙律、鱈魚乾同燒茄子，估唔到小食已經咁驚喜！蕃茄食得出係日本貨，好清甜；鱈魚乾好香脆，忍唔住食完一塊又一塊，極速清晒；燒茄子好juicy而且好夠味唔會淡mou mou！之後留意到餐廳塊黑板寫住d是日推介係menu無既野，侍應就介紹係餐廳每日都會有d即日空運到港既新鮮海產，日日都唔同款，當日侍應就推介我地試一款叫「羽太」既魚，侍應仲非常細心，驚我地兩個人食一條魚太寡，特別介紹我地一半做薄切刺身，一半鹽燒，黎個「一魚兩味」！真係估唔到連日本餐都可以咁樣食，值得推介！先食薄切刺身，肉質彈滑而且非常有魚味，真係好新鮮！另一半鹽燒完之
我同朋友兩個都好中意食日本野，知道登龍街都多日本餐廳就去睇下有無心水，一去到永光中心見到呢間居酒屋個名咁特別就決定試一試。入到去地方唔大但座位闊落，燈光環境都幾有氣氛，侍應都好熱情。
我同朋友諗住慢慢食下野傾下計，於是分開幾次叫，逐樣慢慢試。首先叫沙律同小食，叫左溫室蕃茄沙律、鱈魚乾同燒茄子，估唔到小食已經咁驚喜！蕃茄食得出係日本貨，好清甜；鱈魚乾好香脆，忍唔住食完一塊又一塊，極速清晒；燒茄子好juicy而且好夠味唔會淡mou mou！
溫室蕃茄沙律
11 瀏覽
0 讚好
0 留言
鱈魚乾
11 瀏覽
0 讚好
0 留言
燒茄子
17 瀏覽
0 讚好
0 留言
之後留意到餐廳塊黑板寫住d是日推介係menu無既野，侍應就介紹係餐廳每日都會有d即日空運到港既新鮮海產，日日都唔同款，當日侍應就推介我地試一款叫「羽太」既魚，侍應仲非常細心，驚我地兩個人食一條魚太寡，特別介紹我地一半做薄切刺身，一半鹽燒，黎個「一魚兩味」！真係估唔到連日本餐都可以咁樣食，值得推介！先食薄切刺身，肉質彈滑而且非常有魚味，真係好新鮮！另一半鹽燒完之後皮香肉彈，d肉唔會散，真係好正！ 另外再叫左一客帶子刺身同另一款是日推介既魚「愛女」炙燒，帶子鮮甜，炙燒愛女魚油甘香肥美，兩樣都好好味！
羽太魚薄切刺身，帶子刺身，炙燒愛女魚
35 瀏覽
0 讚好
0 留言
鹽燒羽太魚
18 瀏覽
0 讚好
0 留言
之後我地再叫左d串燒，全部都好好食！調味適中唔會太鹹，又唔會燒過龍，應juicy既juicy，應脆卜卜既脆卜卜！我最中意既係牛舌，雞皮，雞心，同埋menu上無既鴨舌，又係當日既是日推介，超正！我地仲叫左枝清酒，兩個人食下飲下傾下計食足5個鐘，好耐無試過咁開心！我一定會再黎食過！
燒牛舌
23 瀏覽
0 讚好
0 留言
燒鴨舌
12 瀏覽
0 讚好
0 留言
燒雞皮
13 瀏覽
0 讚好
0 留言
燒雞心，燒牛肋骨
7 瀏覽
0 讚好
0 留言
燒雞軟骨
8 瀏覽
0 讚好
0 留言
燒羊架
10 瀏覽
0 讚好
0 留言
燒普寧豆腐
11 瀏覽
0 讚好
0 留言
張貼
