無敵家

營業中

休息中

今晚同朋友黎無敵家，居酒屋可以慢慢坐。佢雖然同日本無敵家拉麵應該無咩關係，不過野食都好高質。叫左明太子玉子燒，好好食，d蛋好滑，熱辣辣食，舊玉子燒彈下彈下，覺得呢個誠意十足，而且一份有6件好滿足。紅酒煮牛面頰，呢個好抵食，有好多舊肉，而且煮得入味，淋到入口即溶。叫左唔少串燒，大蔥雞肉，牛舌，雞胗，明太子豆腐，全部都燒得剛好，屬於水準之上。叫左芝士年糕，都係正常發揮，熱辣辣好難唔好食。叫左最愛嘅燒飯團，可以揀三文魚或者明太子，我揀左三文魚。飯團燒得正好，表面燒焦左但係唔硬，好香口感armarm 好有飯焦咁。成晚舒服好坐，無人趕，d服務勁好。雖然d人係咁北上消費，個人覺得香港都有好多性價比高嘅餐廳，值得支持。