影片
更多
2024-03-19
39 瀏覽
。前菜$20今日嘅限定前菜係牛舌，真係煮得非常軟爛，入口就係一股濃烈嘅牛舌香味，冇太多嘅調料，反而可以突出牛舌本身新鮮嘅味道！口感同埋味道都非常出色，冇諗過莧菜已經令我哋咁驚喜！。明太子$68呢個係我去居酒屋一定要嗌嘅送酒小食，配埋我哋嘅特色清酒真係好夾㗎！明太子入口有少少辛辣，但係佢獨特嘅粒粒口感，配上青瓜嘅清新爽脆真係令人欲罷不能！。牛舌$68呢度嘅牛舌真係好抵食，師傅控制火喉控制得好好，可以keep住牛舌嘅肉汁之餘仲可以燒得好有色澤口感Perfect！真係好少可以喺香港食到呢一個質素嘅燒牛舌！。鐵板和牛燒$138呢個係老闆同我哋熱烈推介嘅事嘅特色鹽板和牛，呢度食物嘅質素真係超乎我想像！呢個和牛燒得啱啱好，非常Juicy，可以見到佢嘅心心仲係紅色㗎，非常鮮嫩，配上鹽版真係好獨特！。比目魚$68終於知道點解我屋企隻貓貓淨係鍾意食比目魚味嘅罐罐，呢度嘅比目魚，簡直顛覆咗我對魚類嘅想像，口感非常滑捋捋，魚肉唔會太鬆散，而且嗰種油脂嘅香氣好突出，配上沙律醬真係very Perfect！。壹本茄子$68呢度嘅茄子係原條茄子，要整得好味，真係好烤廚師嘅功夫，配上香噴噴嘅蒜蓉，同埋茄子獨特嘅口感
。前菜$20
今日嘅限定前菜係牛舌，真係煮得非常軟爛，入口就係一股濃烈嘅牛舌香味，冇太多嘅調料，反而可以突出牛舌本身新鮮嘅味道！口感同埋味道都非常出色，冇諗過莧菜已經令我哋咁驚喜！
。明太子$68
呢個係我去居酒屋一定要嗌嘅送酒小食，配埋我哋嘅特色清酒真係好夾㗎！明太子入口有少少辛辣，但係佢獨特嘅粒粒口感，配上青瓜嘅清新爽脆真係令人欲罷不能！
。牛舌$68
呢度嘅牛舌真係好抵食，師傅控制火喉控制得好好，可以keep住牛舌嘅肉汁之餘仲可以燒得好有色澤口感Perfect！真係好少可以喺香港食到呢一個質素嘅燒牛舌！
。鐵板和牛燒$138
呢個係老闆同我哋熱烈推介嘅事嘅特色鹽板和牛，呢度食物嘅質素真係超乎我想像！呢個和牛燒得啱啱好，非常Juicy，可以見到佢嘅心心仲係紅色㗎，非常鮮嫩，配上鹽版真係好獨特！
。比目魚$68
終於知道點解我屋企隻貓貓淨係鍾意食比目魚味嘅罐罐，呢度嘅比目魚，簡直顛覆咗我對魚類嘅想像，口感非常滑捋捋，魚肉唔會太鬆散，而且嗰種油脂嘅香氣好突出，配上沙律醬真係very Perfect！
。壹本茄子$68
呢度嘅茄子係原條茄子，要整得好味，真係好烤廚師嘅功夫，配上香噴噴嘅蒜蓉，同埋茄子獨特嘅口感，真係好正！
。雞皮餃子$48
雞皮餃子係CP值之最！可以食得出用料非常新鮮，雞皮非常脆卜卜！而且裏面嘅餡料脹卜卜，全部都係真材實料㗎！
。豚角煮$78
呢個豚角煮可以話係今日嘅MVP ，大大啖食肉真係好爽呀！最緊要喺呢度嘅湯味道足夠濃郁，但係又一啲都唔油膩，加上煮得軟硬嘅豚肉，可以激發到佢油脂嘅香味！最鍾意就係佢肥瘦相間嘅口感，真係好想再食多份！
。清酒
呢度嘅酒類有好多選擇，大家可以自由暢飲，有比較濃烈嘅口感，亦有入口舒服啲嘅選擇。今日我哋嗌咗入口順滑啲嘅清酒，老闆好好人㗎，會續樣同你介紹。大家仲可以揀吓靚靚清酒杯飲酒🫶🏻
張貼
