川府宴 (已結業)

公司食得辣嘢嘅同事少之又少，難得A今晚約我食川菜，我一定樂於奉陪la!川府宴位處於銅鑼灣，地點對我們來說極為方便！店子雖然不算大，但座位舒適，氣氛不錯！涼拌秋葵$58~秋葵口感爽脆而且營養價值非常豐富，配上他他汁和醋，酸酸的非常開胃！夫妻肺片$88~有牛脷，牛和金錢肚，切得薄薄的，好腍好入味！麻辣味濃郁，加上芫茜，葱粒，芝麻非常惹味可口！爆寸香骨$188~以洋葱仔和蒜頭爆炒的小排骨非常香口，肉質爽口有頭，好味！水煮石斑(半)$308~一般川菜館做水煮魚都用淡水魚，今晚是我第一次食水煮石斑，果然口感和食味真的完全不同。石班魚肉質爽脆鮮甜，魚皮充滿膠質和彈性！配料有花椒，辣椒，蒜，薑片，芫荽，芽菜和粉皮，石班魚吸滿麻辣汁後更加惹味粉皮亦煙韌彈牙，甚是美味！