十二味熱辣火鍋莊

營業中

休息中

今日放工同幾個同事去左這間四川菜館打邊爐，我地點左Q版熊貓牛油火鍋同豬骨濃湯鍋。個牛油呈熊貓狀隨著火鍋熱力上升而融化，都幾得意。不過個人認為個湯底對好食得辣的朋友來講唔夠辣，但我有啲同事都唔係好頂得順，餐廳提供左一款秘密香油俾佢地，同事話的確係相當解辣。講返食物質素先，火鍋的食材非常新鮮，而自製的辣牛肉相當辣，令人食唔停口。我地點左的寬粉同魚腐都係好食的。蔬菜類食材則同個麻辣湯底好夾，辣汁可以完全入味。係食到最後我地男生唔係好夠飽但又唔係好想繼續打邊爐下，店主推薦左一份沸騰脆鱔片俾我地。成份鱔都用左秘製香油煮，所以唔辣，而鱔肉唔多骨，亦好有鮮味。