保家山 (已結業)

高質工廈漢堡😍工廈真係越嚟越多嘢食，近排食過印象比較深刻嘅係觀塘駱駝漆大廈呢間手工和牛漢堡☺️佢最大嘅特色係用手工和牛做漢堡，加埋獨有嘅醬汁，做出唔同風味嘅漢堡，真係又落本又用心☺️我哋要咗兩款口味，一款係“山”，即係佢嘅招牌醬汁，另一款係.“葵”，即係山葵醬汁。兩款都夾住厚厚嘅和牛扒，好香好夠味好juicy😍山葵汁比起招牌醬汁，真係多咗啲wasabi味，好特別，不過唔攻鼻嘅。兩款都好味，值得再去食。另外會配埋薯格同汽水。薯格可以揀兩隻味，牛油味同麻辣味，兩款都好香脆好好味，麻辣味亦都唔會太辣，啱啱好。雖然係工廈入面，但係餐廳環境都幾舒服，坐位闊落，以後去觀塘食嘢又多一個選擇啦。