蜜蜜見 (已結業)

位於將軍澳主打甜品嘅蜜蜜見，之前有食過佢哋甜品，好好味啊！佢哋嘅手工啤都好正，大家可以買番屋企嘆住飲🍻。見佢哋除咗有甜品之外，仲有意粉、小食嘅嘢食。今次外賣叫咗佢哋皇牌👑蜜蜜豬手、經典肉醬意粉配花茶同埋炸雙色薯條。蜜蜜豬手🍖👑啲豬手拆埋骨，好貼心！因為有蜜糖，所以食落甜甜地幾唔錯，豬手好有咬口，個皮好脆不過今次有時時乾，都想再試！經典肉醬意粉配花茶🍝👑意粉煮得啱啱好，好入味。花茶揀咗玫瑰花茶，都好足料，有好多玫瑰花係入面，外賣杯保暖功能好勁，過咗一個半鐘仲係熱咖！炸雙色薯條🍠👑超級大份量！薯條好好食，好香脆又唔會好油膩，尤其係番薯味，好好味，甜甜地，食到停唔到口！值得encore！雖然呢家夜晚冇得堂食，都要外賣多啲支持佢哋，唔想之後冇得食🥺，將軍澳區嘅朋友仔依家外賣仲可以選擇將軍澳外賣專線，佢哋服務態度好好，外賣哥哥姐姐好好人，仲好有效率，好快就送到你屋企。抗疫期間，大家一齊繼續支持小店同自己區嘅外賣專線。💛💛💛💛💛