龍百味小廚

營業中

休息中

放工見到金馬倫道呢間龍百味小廚好多人，行近去睇吓，原來係主打三餸飯。餐廳非常光猛，地方乾淨企理，堂食座位仲好多，可以坐得闊落，仲見到有幾個外國人入去試吓香港獨有嘅”this this rice “！餸菜選擇非常多，分5個價錢：$18、$22、$26、$28、$48。揀咗五款小菜外賣：鳳梨咕嚕肉咕嚕肉啖啖肉，醬汁酸甜，好送飯。陳年黑醋一字骨醬汁酸甜平衡得好好，都係送飯之選。蝦仁炒蛋份量好多，蝦仁好大隻，入口彈牙。西蘭花炒雞柳除咗西蘭花同雞柳之外，仲有三色椒，健康！咖喱薯仔牛筋腩呢個幾有驚喜，咖喱味道對辣，薯仔炆得好腍，牛筋腩完全唔嚡，仲好入味！堂食的話，白飯$5仼裝，$6已經有一碗老火靚湯，對於想食住家餸嘅人嚟講，性價比好高。