一粥麵 (銀禧薈)

營業中

休息中

呢間連鎖店算係一直能夠保持水準，食材合格，又常常在免費報紙刊登優惠券，持有優惠劵惠顧滿$26元可減$3元，早餐來說能夠平$3算係非常化算！在繁忙的早市時段收銀員熟練且效率高，而店員們亦都勤快有禮，令人感覺舒適。火腿通粉既通粉大大粒而彈口，火腿不鹹。另外炒蛋嫩滑，午餐肉切得不算薄，所以頗有咬口，而多士亦都係厚切及焗得剛好是金黃色，外脆內軟。牛肉通粉既湯底帶有濃郁薑汁味，提升牛肉既味道， 惟鴛鴦的奶茶味蓋過咖啡味，略嫌遜色。整體而言，呢度既早餐相對同類快餐店可稱得上係抵食及有誠之作。