任你點車仔麵 (已結業)

最近好想食車仔麵 所以嚟到深水埗就隨心搵左間車仔麵食～ 平日中午時段 店舖位置都好大 亦都有好多人嗌外賣！ 上菜速度仍然好快！選擇困難症發作！ 因為真係太多既選擇 最後參考網上食評～ 【鮑汁炆花膠 手打墨魚餅 蘿蔔 配沙嗲汁米粉】$47花膠份量真係好驚喜！ 3大塊花膠 仲要炆得好淋！ 可能配沙嗲汁關係 所以蓋過咗本身鮑汁味道～ $14有呢個質素真係好抵食！墨魚餅反而喜出望外！ 真係會食到細細粒墨魚～ 爽口又彈牙！蘿蔔就維持返車仔麵嘅水準！無渣入味夠淋！特別要讚下個沙嗲汁！ 超級濃郁 少少辣再配花生香 好食～