德國餐廳 (博文街) (已結業)

近尼一兩年，咸蛋黃真係好熱門，無論係咩野食都會加咸蛋黃。經過尼間餐廳，見到佢竟然有咸蛋黃醬豬手，好似幾吸引，我又好好奇究竟咸蛋黃同豬手夾吾夾，所以就入左去試下。豬手上菜果陣已經幫我地切好一塊塊，好細心。一食落口，先係濃郁嘅咸蛋黃味道，之後再係豬手本身嘅咸香，兩個味道相輔相成，意想不到地夾。豬手嘅外層燒得好脆，而裡面就好嫩。如果食膩左可以食d酸菜或者沾旁邊嘅兩款醬汁，又係另一番風味。不過我都係最鐘意咸蛋黃醬，比較特別。超級香腸拼盤有三種吾同嘅香腸，各有特色。最令我驚喜嘅係一切開香腸，裡面係爆汁嘅。薯角雖然只係配菜，但做得完全吾馬虎，令我地食得好滿足。咸豬手同香腸都係超好嘅下酒菜，飲住啤酒，傾下計，吾覺吾覺就會食曬。雖然我地只係叫左兩樣野食，但因為每樣嘅份量都幾大，再加埋伴盤嘅薯仔，我地真係食得好飽。