Munchies (新中環大廈) (已搬遷) 新店位置

最近漢堡店真係開左唔少呀。 花多眼亂, 都唔知試邊間好。 黎到上環, 比佢既低卡飲品海報吸引。 其實都唔只我, 好多人都會比佢門口既海報吸引望一望。 所以決定試下。佢餐版唔複雜, 好集中比客人睇就係簡雞漢堡，雞翼, 小食, 飲品。做得咁精, 應該唔錯。 而且真係好多人黎取外賣。佢既套餐好抵, 我最後簡左combo A, 一個包+野飲, 另再叫個小食。Truffle Mayo, 店長既推介。 Truffle味好特別, 個醬唔會好搶, 因始終件雞先係主角。 味道配搭得剛剛好, 中和左炸雞既油膩感, 中間仲有生菜絲同酸瓜，成個包好足料, 好大個。 再加上佢好受歡迎既blackberry charcoal oolong, 好清新, 飲到真係新鮮blackberry味而唔係糖精水, 而且烏龍唔係好甜, 真係非常正。 好鍾意lee個配搭。而小食係popcorn chicken, 有少少辣, 但好野味, 只係炸得真係好脆，果然係deep fries, 但我覺得硬左少少, 如果稔返d就好啦。整體上係好夾既, 這個價錢真係幾抵。 食得好開心。