Pentola (裕民坊YM²) (已結業)

觀塘市區重建後，多咗好多高質餐廳，今次就嚟到呢間意大利餐廳🇮🇹撐枱腳 - 前菜 -先來兩塊麵包，再加上一碟油醋汁，幾開胃，好有意大利風味，跟住就上個粟米忌廉湯，粟米同個湯融為一體，啖啖Creamy，之後再黎個巴馬火腿同茄子蓉小食， 材料新鮮好味。 - 主菜 -封門牛柳伴薯條🥩牛柳一上枱就嘩左聲，煮得好好，呈現非常漂亮嘅粉嫩色，分量都好多，咬落去好juicy，肉汁爆晒出黎，佢有燒汁配埋，但我覺得已經唔需要再作調味，而薯條就香脆可口。 - 手工意粉 -龍蝦大大隻，火喉控制得好好，肉質啱啱好，鮮甜彈牙。意粉就食得出同平時嗰啲唔同，呢隻手工意粉比較煙靭，加上蝦汁，令意粉更加濃郁同Creamy。 - Pizza -我哋叫咗半份pizza，pizza 用特製嘅爐去焗，麵包呈現焦香既顏色同味道，配料份量都足，有大量嘅蕃茄醬芝士同香草，每啖都覺得好有正宗嘅意大利風味。 - 甜品 -我哋點咗一件Tiramisu同一件果凍，tiramisu酒味啱啱好，果凍有好重嘅牛奶味再配上百香果，口感幾特別。