我愛慢煮 (孖沙街) (已結業)

上環既餐廳愈開愈多，但以慢煮作招來既真係唔多，而呢間係孖沙街既＜我愛慢煮＞就係其中一間～秘制保濕豬鞍架8oz 加煎鵝肝片（$138+$38）豬鞍好厚身，雖然全熟但一d都唔韌，而且肉汁豐富，只係簡單調味已經夠。煎鵝肝油脂豐盛，入口甘香，配埋豬胺一齊食令味道更有層次。M5西冷牛扒8oz 加芝士溫泉蛋大啡菇 （$298+$38）牛扒大約5成熟，牛味濃郁而且充滿肉汁，鍾8濃味d既可以點埋店舖秘製醬汁一齊食。大啡菇爽口而且岩岩好熟，唔會過乾，而且菇香味濃，一切開已經見到蛋黃汁流出黎，蛋香味再加埋帶咸味既芝士，呢個配搭一流。意大利香腸鮮菠蘿薄餅（$68）薄餅比較厚身，質地偏向似麵包，咬落有d煙韌，上面既應該係千島醬，酸酸甜甜，配埋香腸既咸香味，質素絕對對得起個價錢。