翠榮雞煲火鍋

營業中

休息中

朋友仔仲未收工，唯有畫定點菜紙繼續等，都係食嗰幾樣啫。依家人氣咁旺，唔想等位就要七點前黎到坐低喇。咸菜胡椒豬肚雞煲一隻，前幾次都係食奇味雞，今晚食胡椒雞湯啦﹗以前都係用雞仔，近來轉左用大少少既雞，多左肉食噃。肉質依舊非常嫩滑又多汁，最緊要唔好滾過火，一熟就好趁熱食喇。豬肚醃過既爽口入味又帶酒香，胡椒味香濃，雖知飲得多會頸渴，但太好飲喇，唔理得咁多 ﹗食左先講。美國桶蠔，大大隻又啖啖肉，鮮味非常、Juicy 非常，翠榮唯一既海鮮，如要其他海鮮，就要預訂喇﹗或煮自擄都得，但要收服務費囉。手切牛肉細，menu 只印上手切牛肉，但真身其實係牛頸脊黎架 ﹗今晚牛頸脊色澤光亮又油潤，一睇就知非常新鮮。果然無錯，十分高質，牛味濃郁，嫩得黎有趙口，不鞋不韌，好好味。魚腐，必食推介，今日比以往差左少少，真係有一次比一次差既感覺，不過都算好食。外層又香又棉、裡面濕潤多汁。竹笙，今日比較碎喎，入口爽脆，索湯一流。