We Corner (已結業)

步行去柯士甸站，見到新開了間cafe，主打輕食及手工意粉，食物都幾精緻，同朋友入去坐陣食個晚餐先返歸。先點了兩個小食，檸檬胡椒雞翼微微酸味刺激味蕾，雞翼外脆內嫩，十分juicy。牛柳粒煎至表面焦香，肉質保持嫩腍，肉汁豐富有肉味。左口魚裙邊傳統意式蒜片辣椒手工意粉帶微微辣香，意粉十分彈牙爽口，還有淡淡蒜香味，左口魚邊有豐富魚油脂，煎至表面微脆，入口充滿魚油甘香。四色爆汁芝士小龍蝦肉大牛角包配番薯條牛角包酥脆，中間夾著生菜及小龍蝦肉，十分鮮甜爽彈，旁邊的番薯條炸至金黃香脆。最後食返個檸檬撻，檸檬撻酸甜解膩，批皮香脆。Iced mocha朱古力味濃香又不會太甜。