鍾爺爺海鮮火鍋刺身專門店

營業中

休息中

好多人鐘意食台式或者日式火鍋，我就話港式火鍋先係世一！今次去咗鍾爺爺海鮮火鍋，點咗個蕃茄薯仔坑腩鍋，雖然只係湯底，但係坑腩嘅質素真係非常好，肉質鮮嫩，個蕃茄湯底亦都夠濃夠味。配料方面款式夠多海鮮、手切牛肉等都一應俱全，可惜兩個人嚟試唔到咁多野。第一樣推薦佢哋嘅牛筋丸同牛胸爽，咬落去好爽脆彈牙，口感一流。再加埋新鮮嘅脆鯇，配埋蕃茄湯底更加鮮甜！整體嚟講，鍾爺爺裝修可能唔係最靚最舒服，但係湯底同食材都值得一試。尤其是一大班人，冬天一齊圍埋打邊爐啱晒！