燒肉駅 一人燒肉·丼飯

營業中

休息中

高質抵食嘅一人燒肉店有好多款好味嘅燒肉定食，價錢由$48起，一定要試下😍佢嘅燒肉定食包括沙律、前菜、麵豉湯同白飯。沙律菜🥗新鮮，前菜係中華沙律；麵豉湯有豆腐粒及海帶。豬五花、雞松阪同雞腿肉150g組合$78。呢啲肉品好優質，豬五花肉油脂豐富，雞肉用上蕯摩赤鷄，嫩滑好味。鹿兒島和牛盛250g $308，有牛仔骨肉、肩胛肉同西冷。啲和牛肉質鮮嫩，牛嘅油脂好香，口感真係好豐富。加$28轉咗和牛肉燥紫菜溫泉蛋飯，不自覺地食哂大大碗飯。一個人都可以去食燒肉，當然一班朋友去都可以啦😝呢度食材有水準，價錢亦都好實惠。如果你鍾意燒肉，呢間店絕對係一個值得試下㗎！