北海丼 (已結業)

去太古想食間有質素又價錢合理既日本餐廳, 去北海丼係一個好既選擇.係餐廳門口望餐廳既時候, 員工都好有禮貌同熱誠咁介紹佢地既食物.  結果唔洗兩秒就決定入去食.餐牌真係有好多款肉/海鮮丼, 有大碗, 又有迷你丼.  最後同老婆決定每人叫2個唔同既迷你丼可以share.   迷你吞拿魚丼有赤身, 大拖同埋tata... 基本上樣樣都好食, 米飯溫度適中, 唔會令到D 魚溫度過熱.  醋飯味道岩岩好, 唔會太酸, 完全食到一粒飯都唔剩. 另一個套裝有白身魚沙律, 烏東,天婦羅同埋海膽三文魚子. 白身魚沙律酸酸甜甜好開胃, 海膽新鮮惹味. 天婦羅蝦有兩隻, 入口唔會太油岩岩好, 但係味道唔會話令人印象深刻, 魚生再配個炸物我又覺得有少少怪. 湯烏東都算係一個驚喜, 湯底清甜, 烏東有咬口. 本身打算飲啤酒, 但係老婆提議叫支清酒慢慢飲仲好咁話. 佢既選擇真係無錯. 一口海鮮, 一啖清酒真係好夾. 幫我地倒酒既waitress 可能有少少緊張, 倒完酒之後個蓋跌左落地. 但佢都係無心之失, 個蓋唔易開, 所以不追究, 但希望下次無咁緊張啦. 不過餐廳真係要改善下上菜速度, 2個人一齊食飯但唔係