The Backstreet Kitchen (已結業)

難得朋友入嚟元朗搵我食晏，當然搵間出面食唔到，又高質素低價錢又要好食又要環境裝修好先對得住朋友仔啦…於是就揀左Backstreet 吉列牛，首先佢個名改得好好，因為佢間鋪係偏離哂航道，附近無食肆，得兩間小鋪頭，真係係後街，唔知係咪租金問題所以以咁嘅質素嚟講，佢係收得好平。有介紹如何燒吉列牛嘅程序講返個午餐先，當然主打吉列牛，98蚊加18蚊有湯有飯有溫泉蛋或溏心蛋，夠哂飽。睇相就知牛嘅質素好高，脂肪分佈均勻，好食入口溶溶地又有牛味，自己燒都好易燒，因為佢會俾牛脂肪做油去煎，又香又好味。我朋友非常滿意猛咁讚，我都食得好開心。