大喜屋 (已結業)

同女朋友係附近行街, 聽朋友講呢間放題幾抵食, 咁當然要帶女朋友上黎試試佢啦。我地知道比較夜, 但都照book左, 食2115個轉。因為較夜, 又平日, 餐廳唔算好多人。食放題最怕就係食物售罄, 黎得慢等等。不過呢間完全唔會有呢d問題, 交完紙仔轉個頭就有野食。先講刺身, 款式非常多, 有常見既三文魚, 甜蝦, 希靈魚, 帶子 之外, 仲有劍魚, 油甘魚呢d選擇。都勁甜 勁新鮮。個人好中意帶子同油甘魚, 食落好鮮味。另外, 因為想食海膽, 所以叫左海膽手卷。正, 手卷紫菜夠脆, 海膽又新鮮。如果唔係驚飽我會再嗌。另外當然唔少得特色壽司, 餐廳好貼心, 飯糰都比較細。燒物方面, 有個好正既炸貓山王。 食落超香~而且又唔會好滯~推介之選!!此外都有唔少熟食, 雞翼, 牛柳粒, 蟹粥, 煮大蝦等等最後, 每人都有杯雪糕, 重要係季節限定!!yogurt strawberry, 唔太甜, 超岩我。