品川日本料理 (已結業)

荃灣都有不少的放題店，朋友之前來過這間講不錯我就和朋友再來吃，來到七點鐘都有少人來吃飯，坐下見到出面有小食和原來這裡用電話落單方便，而且仲有清單可以知道自已叫的食物款式。來到當然第一時間叫了刺身，每款都叫了一點來吃，都十分新鮮又鮮甜，三文魚忍不住再叫了多一碟。壽司種類都分十分好，和牛壽司必叫好味牛肉濃又軟熟，海膽都幾新鮮，龍蝦沙律壽司都幾特別，紫菜好脆口，飯份量細細岩岩好可以食多幾件。香芒之戀香芒甜配三文魚好味，黑松露款式都不少而味又不會太濃配魚令到更鮮甜。熱食都有叫了不少串燒，最愛吃雞軟骨又熱又脆口不太油身。香芋，榴槤不太油味道都濃又香，芝士年糕必點，好軟熟又濃芝士味。天婦羅好脆又熱不太油，入面的南瓜同蝦都保持到爽口。蠔仔粥幾特別，蠔十分大隻，有櫻花蝦令到個粥味香不少。軟殼蟹手卷夠熱又大件，配沙律醬和飯好味道。蒜香牛肉粒的牛肉軟熟有肉味又入味不會太咸幾惹味。比目魚份量剛好不太多，甜甜的魚肉又夠滑身。最後仲要了鹽燒平目魚裙壽司，有燒焦的香味再有點魚油不錯。出面仲有不少甜品和雪糕雪條，飲品選擇多又有汽水，茶，啤酒和清酒，整體都滿意而且坐得十分舒服不會感到迫。