本佐日本燒肉料理 (已結業)

返左尖沙咀舊公司探同事，發現附近開左好多新食肆，呢間< 本佐日本燒肉料理 >放題店最吸引， 決定同舊同事去試下，店內的裝潢充滿和式風味， 更設有戶外露天炭燒爐~ 半任食燒肉套餐只需每位約$300， 包一罐飲品(另加$40就有任飲汽水、藍妹及指定清酒)、 套餐包括刺身拼盤、海鮮拼盤、牛豬雞燒肉拼盤， 再包括多達約20款的任食配料~ 如果覺得肉唔夠亦可以加錢每碟加，我自己就覺得套餐已經非常豐富~ 刺身併盤: 有5-6款的新鮮刺身，三文魚& 帶子肥美、大蝦&甜蝦鮮甜彈牙、 海膽鮮甜、仲有最愛的甜蛋添~ 海鮮拼盤: 大大隻的虎蝦鮮甜彈牙、肥美的大蜆&青口， 仲有龍脷柳、聖子、蜆等~ 燒肉拼盤的主角當然就是和牛拼盤啦! 最愛是由日本佐賀真送A5和牛粒入口即化、肉質幼嫩， 仲有安格斯牛仔骨，牛味香濃~ 雞肉拼盤有不同口味的單邊雞翼以及雞肉~ 豬肉拼盤有黑豚五花肉、黑豚裡肌肉、 唐辛子豬頸肉等，款款惹味~ 而任食方面都有好多選擇，可以自助下單， 好似沙律、小食、炸物、蔬菜、菇類等等， 推介海鮮粥、台灣腸、芝士腸、炸香芋丸、 燒日本迷你甜薯、燒菠蘿等~ 最後有