影片
更多
2021-02-11
660 瀏覽
今日年三十，屋企食團年飯。其實一家人簡簡單單咁食少少野都ok，真係唔想屋企人煮得咁辛苦，於是我地就講好左，每人各自買少少外賣返去一齊食。喺藍田見到呢間韓國菜嘅外賣店，適逢我呢排都想食下韓國菜，就決定去呢到買少少返屋企食啦。呢排食啲野比較油膩，感覺上食韓式紫菜卷比較健康，所以我就買左兩款紫菜卷。炸蝦紫菜卷 $58呢個紫菜卷入面有青瓜、炸蝦、紅蘿蔔絲、生菜、醃黃瓜同埋沙律醬。每一件都大大件，一次過放一件落口，口感豐富，味道亦都豐富，仲有少少和風嘅感覺。阿媽平時好少食韓國菜都話好好食。五花腩紫菜卷 $58呢一款紫菜卷入面就有五花腩、雞蛋絲、紅蘿蔔、生菜同埋醃黃瓜。調味啱啱好，幾清新得黎又唔會唔夠味，呢個都好好食。每一盒紫菜卷入面都有大約九大件，都幾抵食。炒年糕 原價 $38抵受唔住誘惑，本身諗住食清少少，但望到依家叫左紫菜卷之後只需要加$30就有份炒年糕，就忍唔住加返一份。呢份炒年糕味道辣辣地，除咗年糕之外仲有魚片，都好大盒下，抵食。迷你泡菜/黃蘿蔔 $8迷你泡菜同黃蘿蔔都係每份$8，但份量都唔少，見到個盒入面裝到滿曬，所以我都各加左一份啦。醃得好味，好開胃！飲品 $10有好多韓式飲品揀，我
喺藍田見到呢間韓國菜嘅外賣店，適逢我呢排都想食下韓國菜，就決定去呢到買少少返屋企食啦。
呢排食啲野比較油膩，感覺上食韓式紫菜卷比較健康，所以我就買左兩款紫菜卷。
炸蝦紫菜卷 $58
呢個紫菜卷入面有青瓜、炸蝦、紅蘿蔔絲、生菜、醃黃瓜同埋沙律醬。每一件都大大件，一次過放一件落口，口感豐富，味道亦都豐富，仲有少少和風嘅感覺。阿媽平時好少食韓國菜都話好好食。
五花腩紫菜卷 $58
呢一款紫菜卷入面就有五花腩、雞蛋絲、紅蘿蔔、生菜同埋醃黃瓜。調味啱啱好，幾清新得黎又唔會唔夠味，呢個都好好食。每一盒紫菜卷入面都有大約九大件，都幾抵食。
炒年糕 原價 $38
抵受唔住誘惑，本身諗住食清少少，但望到依家叫左紫菜卷之後只需要加$30就有份炒年糕，就忍唔住加返一份。呢份炒年糕味道辣辣地，除咗年糕之外仲有魚片，都好大盒下，抵食。
迷你泡菜/黃蘿蔔 $8
迷你泡菜同黃蘿蔔都係每份$8，但份量都唔少，見到個盒入面裝到滿曬，所以我都各加左一份啦。醃得好味，好開胃！
飲品 $10
有好多韓式飲品揀，我鍾意水果味嘅飲品，所以揀左提子味飲品同埋雪梨水。飲落甜甜地，水果味好出，幾清新，配搭韓國菜好夾。
呢間韓國菜嘅外賣店真係幾高質，同埋老闆娘同店員服務態度超好，難怪今日都好多人黎呢到買外賣。
年三十晚，其實買外賣都可以感覺好幸福，最緊要係識得揀好食嘅外賣，同埋一家人團圓。今日我係感覺幸福嘅。
張貼
