包餃掂

營業中

休息中

天氣開始轉涼，又係打邊爐季節。打邊爐除了至愛肥牛，餃子、雲吞都係打邊爐最街選擇。今次約埋家姐去家住元朗嘅阿哥屋企打邊爐，一於去呢間朋友推薦嘅小店，買番啲餃子、雲吞加料先。幫襯呢間小店好處，就係鍾意佢食材新鮮，人工手工製作，不是急凍冷藏，味道更鮮。而且選擇更多。小店位於元朗又新街，非常易搵。目測小店環境及食物存放都十分衞生企理。店子雖小，但選擇種類頗多，有雲吞、餃子；有豬肉、牛肉配上不同蔬菜或菇類作餡料。真係選擇困難症。好彩有年青店長熱情推介：西洋菜肉餃子，白菜肉餃子，泡菜肉餃子，粟米肉餃子及廣東鮮蝦雲吞。本來我仲想食的香茜牛肉餃子，可惜今天剛好售完，唯有下次再試或者可以致電提前預訂，咁就可以買到心儀口味嘅餃子了。最後店長還非常細心，詳細教導煮餃子心得：水滾先加點油再下餃子，記得要攪拌，避免痴底。果然皮薄餡靚，新鮮肉包製，餃子及雲吞肉味道零舍不錯，皮也頗QQ，家姐阿哥都讚好，推介值得一試。除了打邊爐配料，有時買定幾款返屋企，隨時肚餓就可以煮嚟食，亦都非常方便又好味道。