紅橋 (已結業)

午市1點左右到，好多人拎飛等位，因為食物多款之外，價錢唔貴大約$58-63，就可以食到一個lunch，有湯有飲品添。lunch menu大概2日會轉一轉，有心思。而且坐得舒服，唔逼。叫左蜜椒豬扒伴蛋包飯($58)，意式茄茸牛肉丸燴意粉($58)。餐湯可以揀中/西湯，粟米蘑菇湯望落好似平平無奇，但其實非常多料。每啖都食到滿滿既粟米、蘑菇片，而且煮得好稠。尼個餐好樣食，一樣都係$58，就有一大塊厚身豬扒，而且蛋包飯整得亦唔馬虎。豬扒肉嫩，而且蜜糖汁仲有係個面到，可以邊切邊醮。蛋包飯整得好結實，唔會一切就散哂個外型。望落可能以為得個碟大，但食食下就會發現，有好多意粉、露荀，係好大份量。蕃茄打成茸，仲有d蕃茄肉，拌勻意粉，所以蕃茄味超級濃，酸中帶少少甜。牛肉丸大約有7粒，香口juicy，唔會膩。整體，無論男女食，一定好飽。另外，上菜速度快，所以唔駛等好耐。而且好有心機，lunch menu會轉換，咁就唔怕食極都係個幾款。環境服務唔錯。