京林屋 (已搬遷) 新店位置

京林屋一開張既時候萬人空巷，至少要等一個鐘先有機會一試。我呢個無咩耐性既小朋友忍到幾個月，終於有機會唔洗等就入左去食。我選擇左平日既6點鐘黎到，上班族放左工都未出到銅鑼灣所以先可以有位食。一踏入京林屋，木危與白色既裝潢令人彷彿置身於日本既茶園，令人感覺輕鬆舒服。抹茶蕎麥麵 $78寒冷既天氣下驅使到我點左個熱既蕎麥麵。醬酒湯底味道香濃而易入口，抹茶麵雖然較軟身但掛湯能力不俗，每一口都能夠感受到湯既味道。抹茶紅豆年糕甜湯 $68呢個強烈推薦- 濃郁既抹茶湯甘香而輕微帶點抹茶既苦澀味，配上香甜大粒既紅豆真係完美組合，紅豆平衡了抹茶既苦澀, 加上煙軔既年糕，值回票價!抹茶卷蛋 $88推薦推薦-平時對卷蛋真係無咩好感，但見咁多人話好食所以叫左....估唔到真係好好味，抹茶味道香濃，蛋糕綿密扎實.....我想成條卷蛋買走番屋企慢慢食!香港限定パフェ $98貪心既小朋友最鐘意呢個，一次過滿足好多個願望：抹茶雪糕，抹茶啫喱，白玉，紅豆，士多啤梨果肉!抹茶雪糕軟滑，味道偏甘甜。