樸一拉麵

營業中

休息中

舖面雖然唔大，但食物選擇都幾多。淨係麵有博多白麵同東京黃麵揀。份量足夠，值得一試！☄️醬油慢煮梅肉叉燒拉麵（$82）醬油湯底濃味，黃麵食落爽滑。雖然當日因為厚燒叉燒售罄冇得食，但梅肉薄叉燒有3塊，食落滿足感依然十足！☄️海老慢煮梅肉叉燒拉麵（$92）海老湯底除咗滿滿嘅櫻花蝦外，仲跟咗一隻大1蝦，食落鮮味十足！配上滿滿嘅木耳，食落口感非常豐富！☄️唐揚魷魚（$38）魷魚食落炸粉同調味比例正常，冇咩特別。☄️樸一炸雞（$38）炸雞雖然得3件，但每件都幾大，兩個人分都好足夠。晚市時段開始就大排長龍，但都幾快有位。嚟開旺角嘅朋友不妨一試！