博多拉麵別天神 (已結業)

今日同朋友去食拉麵，7點左右門口已經有6，7個人排隊，果然係旺角人氣拉麵，等咗10分鐘就入坐，都算快。 門口有部自助售票機(用八達通買)，同日本一樣，自己點餐買飛，跟住排隊等入坐，然後比張食劵店員，最後等食，十分簡單。餐牌只有2款拉麵(蝦味噌湯/豚骨湯)，同2款小食(小龍蝦蟹籽沙律/餃子)，可以單點拉麵或套餐(配2款小食)。環境有少少似日本格局，地方雖然細，但設備都幾齊全，枱面有調味料， 紙巾，水。小龍蝦蟹子沙律沙律醬唔會太多，食到有小龍蝦肉，仲有蟹籽既粒粒口感， 唔錯的前菜。豚骨湯麵豬骨湯底係乳白色都算幾濃厚，不會太咸，好好飲，拉麵軟硬適中，流心蛋食醬油味，叉燒略嫌唔夠肥美。蝦味噌豚骨麵比豬骨湯多咗一陣海鮮味， 我鍾意呢個湯底多啲。餃子煎得岩岩好不會過燶，但唔夠脆口，餡是白菜同豬肉，餃子汁調得好好味。