友拉麵

營業中

休息中

今日Lunch 仲諗緊食咩之際，行過見到佢門口好吸引就行左入去食，咁啱我食飯時間比人早，所以唔駛等位就可以入坐，入面環境唔算大，坐位都可以，一坐低就見到一大疊落單紙，選好食物就比店員落單，我點左個魚介拉麵，味道湯底好濃郁，平時唔飲麵湯嘅我，今次完全飲哂，麵身有直麵同曲麵，我選左曲麵，好彈牙，火炙豚肉燒得剛好唔會太燶同埋容易入口，味玉有蛋黃流出唔會太熟，整體嚟講非常好食，現回味中！下次會帶多幾個人來，可以食到多啲嘢！