一生懸麵

營業中

休息中

經過荃灣路德圍，上OpenRice搵吓有啲咩嘢食，見到呢間嘢零負評就好想試下。白湯豚骨拉麵湯底好濃郁，麵硬度適中之餘又超掛湯，一啖麵一啖湯咁食真係勁幸福。塊叉燒食落好香。不過就唔建議飲晒啲湯，因為好濃郁嘅關係所以如果不停飲湯嘅話會有機會覺得好鹹。雞白湯拉麵上到嚟見到賣相好好，真係顧名思義白湯，湯底濃郁呈現白色，飲落好重雞味，雞肉亦都好嫩滑，麵質就同啱啱嗰碗一樣啱啱好。整體面言，質素同我喺日本當地街頭食過嘅拉麵差唔多，埋單$160平均每碗先$80 真係超抵食！呢個價錢係香港可以搵到同日本差唔多質素嘅拉麵真係好少有，對得住零負評！