大瀛喜日本料理 (已結業)

好耐無食過放題，琴日考完final，終於有時間同friend去食返次放題! 每次放題都係揀返呢幾間，因為真係比其他放題（eg. 兆萬果堆）好食好多。我地今次去咗旺角呢間大瀛喜，地鐵站C3一出就係，真係好方便。一嚟到拎返支忌廉溝鮮奶先。我覺得刺身選擇都幾多。刺身嚟講，最好食一定係甜蝦同帶子。大大隻新鮮嘅甜蝦，第1 round我一個人已經旋風式吸入咗7-8隻。平時唔係好食帶子，今次發現原來帶子新鮮嘅話係幾正，厚切帶子真係好鮮甜！食完刺身之嚟咗一堆卷物同壽司，灼燒壽司好香，size啱啱好可以一啖過。手卷我地只係叫咗海膽手卷，無叫到其他，因為驚食大太多飯會好快飽咗。海膽又香又新甜，我地忍唔住encore咗次。我d friend唔係好鐘意生冷野，所以都叫咗好多熟食。不得不提，鐘意食榴連嘅我覺得榴連炸蛋真係好正！甜品都有好多花款，我地每樣都找拎左一舊試下。