大喜屋 (已結業)

難得放半晝，出下城搵下朋友食飯啦。早一日已經book 好位，食放題緊係要做足準備，晏晝食半飽，lunch後要做下運動促進消化，18:00就啱啱好好肚餓喇，哈！之前都食過同一集團嘅殿大喜屋，好正但貴一截，心諗同一集團攞貨都應該一樣，就試試呢間啦。講返食物，刺身點左甜蝦、帶子、劍魚腩、螺肉同貴價嘅池魚王，每樣刺身都好新鮮，個人較喜歡螺肉，好香螺味，正！壽司方面，壽司飯十分對味，軟實適中，個人十分喜歡火炙壽司，油香四溢。創作壽司整得好精緻好靚，有賣相又好味。呢度嘅壽司全部都係細細件，可以試多幾件，結果食左好多件。手卷叫左至愛海膽同吞拿魚腩蓉，紫菜十分脆，細細件一啖一件，海膽新鮮無怪味，吞拿魚腩蓉甘香無筋，正！燒物方面，燒羊鞍、牛舌同菠蘿一定要食，羊鞍十分軟滑又帶羊味，調味適中；牛舌甘香爽口；菠蘿十分甜仲可解油膩。鍋物叫左個牛肉鍋，係壽喜燒味，牛肉香又軟淋，一份有三片牛肉，一些蔬菜，全清。甜品又係細細件，焦糖燉蛋嘅糖面做得好脆，唔錯。榴連迷必點嘅有榴連炸彈同榴連糯米糍，我食左三粒炸彈，不過要小心，要熱的！呢度嘅雪糕限定每人一杯，叫左期間限定的黃桃乳酪味雪糕，為這餐劃上完美句號。最後想講大喜屋服